محفظتك الذكية: كيف رح يغير التمويل المفتوح قواعد اللعبة بحياتك المالية؟ كوني تخصصي بمجال التكنولوجيا المالية (fintech)، "التمويل المفتوح" (Open Finance) صار هو حديث الساعة بالنسبة إلي. الفكرة إنه يسهل حياتنا المالية ويعطينا خيارات أحسن. بس الصراحة، اللي دايماً بفكر فيه: مع كل هالانفتاح ومشاركة البيانات، شو بصير بأمان معلوماتنا وخصوصيتنا؟ التكنولوجيا لحالها ما بتكفي، لازم يكون في تنظيم قوي يحمينا. برأيي إذا ما في ضوابط واضحة وقوانين تحمي بياناتنا، ممكن الموضوع ينقلب ضدنا. الاجابة كانت من الأردن وهي من أول الدول اللي بتحاول تكون في مقدمة الدول من الناحية التنظيمية في مجال التمويل المفتوح. كيف تعال احكيلك كيف عن طريق خطوات معينة يعني ببساطة، تخيل إنه حساباتك ببنكك، معلومات قروضك، استثماراتك، كل شي يخص مصاريك، مش محبوس بس عند البنك. هون شو عملت الهيئة التنظيمية في الاردن وحدة التواصل: عن طريق "واجهات برمجة التطبيقات" (APIs)، اللي هي زي بوابات موحدة ومحمية، بتصير البنوك تقدر تشارك بياناتك المالية بأمان مع تطبيقات وخدمات تانية انت بتوافق عليها. مثلاً، لو عندك تطبيق للميزانية، بيقدر ياخذ بيانات صرفك من بنوك مختلفة وورجيك إياها كلها بمكان واحد. خلت الأمان في مقدمة الاهتمامات والأولية : يعني الـAPIs مصممة بأمان عالي، عشان تضمن إن بياناتك ما تنفقد أو تروح لأي حد مش مصرح له. يعني زي قفل إلكتروني قوي جداً على باب معلوماتك. تسهيلات في عملية الابتكار: لما كل الجهات بتحكي نفس "اللغة" عن طريق هاي الـAPIs الموحدة، بصير أسهل على الشركات المطورة تعمل تطبيقات وخدمات مالية جديدة ومبتكرة بسرعة أكبر. يعني مثلاً، بتقدر تشوف عروض قروض مناسبة الك بالضبط، أو تدير استثماراتك بشكل أذكى، أو تشوف كل حساباتك ببنك واحد من مكان واحد. اذنك وموافقاتك : أهم شي، أي مشاركة لبياناتك لازم تكون بموافقتك الكاملة والصريحة أولاً بأول. الهدف النهائي: كل هاد عشان يعطي الناس سيطرة أكبر على مصاريهم، ويعزز المنافسة بالقطاع المالي بين البنوك والشركات، ويخلي الخدمات المالية توصل لناس أكتر، خاصة اللي ما كان عندهم وصول سهل قبل هيك. شو شايفين أنتو؟ التنظيم أهم شي ولا لأ؟ #التمويل_المفتوح #تكنولوجيا #أمن_معلومات